2016 మీ జీవితంలో ఒక అద్భుతమైన సంవత్సరం కావాలంటే ఏమి చేయాలి?

2016 లో మీ లక్ష్యాలు సాధించడానికి 3 సూపర్ ప్రాక్టికల్ టెక్నిక్స్

జననం ఒక హిస్టరీ, మరణం మిస్టరీ. ఈ రెండింటి మధ్య మనిషి ఏమి చేస్తాడనేది ఒక ఛాయస్. జననానికి మరణానికి మధ్య ఖాళీని నింపే జీవితాన్ని ఓ అద్భుతంలా నచ్చినట్లు తీర్చిదిద్దుకునే ఛాయస్,  లైఫ్ ఎనర్జీ ని ఉన్నతంగా ఉపయోగించుకునే అవకాశం ఎప్పుడూ మీచేతిలోనే ఉంటుంది.   అందుకు మీ జీవిత ధ్యేయం మీకు తెలియాలి. జపాన్ భాషలో పర్పస్ (ధ్యేయం) ని “ఇకిగాయి” అంటారు. దీని అర్థం ఏమిటంటే “ దేనికోసం నేను నిద్ర లేస్తాను అంటే “ అని అర్థం. మీ జీవిత ధ్యేయం కోసం నిద్రలేవటం అనేది ఒక గొప్ప అనుభూతి. అప్పుడు ప్రతిరోజు ఒక అత్యంత శక్తివంతంగా, అర్థవంతంగా జీవితం ఒక అందమైన కనుభావంలా , దృశ్య కావ్యంలా, అద్భుత ప్రయాణంలా ఉంటుంది. ప్రతి క్షణం అద్భుతమే. ఈ భూమి మీద మనం ఎందుకున్నమన్నది నిజమైన అర్థాన్ని తెలుసుకుని ఆ దిశలో ప్రత్యేకతతో, భిన్నంగా అడుగులు వేయడమే జీవిత ధ్యేయంతో (లైఫ్ పర్పస్)  జీవించడం. మనం ఈ భూమి మీద ఉన్నామంటే ఎదో గొప్ప అర్థం ఉంది అని అర్థం. ఇది మనల్ని మనం ప్రశ్నించుకోవలసిన సమయం -  “నా జీవిత శక్తిని ఉపయోగించుకుని నేను మాత్రమే చేయగల అద్భుతమైన పనులు ఏమిటి? నేను ఏ ఉనత కార్యాన్ని నిర్వర్తించడానికి భూమి మీదకు వచ్చాను?”. ఒక సారి జీవిత ధ్యేయం స్పష్టంగా ఉంటే మీ జీవితంలో సంవత్సరాలు, నెలలు రోజులు ఆదిశలో ఆలోచనాత్మకంగా, నిర్మాణాత్మకంగా మలుచుకోవచ్చు.

మరి 2016 లో మీరు ఏమి సాధించాలనుకుంటున్నారు? మీ నూతన సంవత్సర లక్ష్యాలు ఏమిటి? రాబోయే 12 నెలలలో మీరు ఏ ఫలితాలు సాధించాలనుకుంటున్నారు? మీ లక్ష్యాలు ఎవైన సరే మీ రాబోయే 365 రోజులలో ఆ తర్వాత కూడా మీ లక్ష్యాలను ప్రభావితం చేసే అంశాలు ఏమిటి? వాటిని అర్థం చేసుకుని ఆశించిన ఫలితాలు సాధించి విజేతలుగా నిలవాలంటే చేసుకోవలిసిన మూడు సూపర్ పవర్ ప్రాక్టికల్ టెక్నిక్స్ ఏంటో చర్చిదాం రండి. ఫ్రెండ్స్...గుర్తుంచుకోండి మీ శారీరక ఎక్సర్ సైజ్ కోసం వేరే మనిషిని అద్దెకు తీసుకోలేరు, మీ స్నానాన్ని వేరే వాళ్ళు చేయలేరు, అలాగే మీ లైఫ్ గోల్స్ కోసం ఇతరులు పనిచేయలేరు. అందుకే ఇది ఒక ఆర్టికల్ కేవలం చదవడమే కాకుండా అర్థం చేసుకోండి, పాటించండి. ఆటంకాలను అధిగామించండి. ఏవైనా అనుమానాలు ఉంటే సంప్రదించండి. మీరు గతంలో నా ఆర్టికల్స్ ద్వారా, ఇతర పుస్తకాల ద్వారా అనేకం నేర్చుకుని ఉండవచ్చు, కానీ కొన్ని టెక్నిక్స్ మరలా చెప్పడానికి కారణం వాటి ప్రాముఖ్యత మీ లక్ష్యాలపై అంతగా ఉంటుందని మీకు స్పష్టతే ఇవ్వడం నా బాధ్యత.    

1.   మీరు అంతర్గతంగా చేసే అంశాలు మార్చుకోండి:

a.   90 చెత్తని వదిలించుకునే ఛాలెంజ్:  మీ ఎదుగుదలకు ఆటంకంగా వచ్చే చెత్త నా దృష్టిలో రెండు రకాలు. ఒకటి  మీకు ఉన్నదానికి ఆనందంగా, కృతజ్ఞతా భావంతో సంతోషంగా ఉండకుండా లేనిది ఊహించుకుని “లేమితో” ఏడవటం. రెండోది మీ జీవితంలో ఫలితాలకు కారణం ఫలానా అంటూ వ్యక్తులను, పరిస్థితులను, సమాజాన్ని నిందించటం. కంప్లైంట్ రోగం. ఈ రెండు రకాల చెత్త ఎంత వేగంగా తొలగిస్తే శరీరము , మనసు అంత హ్యాపీగా ఉంటాయి. ఉన్నదానికి కృతజ్ఞత (గ్రాటిట్యూడ్) లేకపోవడమనేది అత్యంత భయానక పేదరికం.  జీవితంలో ఏది జరిగినా 100% బాధ్యత తీసుకోండి, అది మీరు ముందుకు వెళ్ళడానికి దోహదం చేస్తుంది. నెపం వేస్తే తప్పించుకోవడంలో హీరో అవుతారు, జీవితం చివరికి వచ్చేనాటికి జీరో అవుతారు.  కొందరు తప్పు చేసిన వాడికి పాతం నేర్పుతాంటూ ఆక్రోశానికి పోతారు, ఆ సమయం ఎదో మీ జీవితాన్ని నిర్మించుకోడానికి వాడుకోండి. మీరు వంకలు పెట్టటం/ నెపం వేయటం అవి ఇంకా పెరుగుతాయి, నెగటివ్ గా ఆలోచిస్తే ఆ నెగటివ్ అంశాలు ఇంకా శక్తివంతం అవుతాయి. మీరు సమస్యలే ఎక్కువ మాట్లాడితే అవి శక్తివంతం అవుతాయి. ఏంటి అర్థం కాలేదా అయితే చిన్న ఎక్సర్ సైజ్ చేయండి. ఇప్పుడు మీరు ఉన్న రూమ్ లో లేదా స్థలంలో కళ్ళు తెరిచి అన్నింటిని పరిశీలనగా చూస్తూ గుండ్రంగా తిరగండి కాని ఎరుపు రంగు చూడొద్దు.  ఇలా మూడు రౌండ్స్ వేయండి ఎరుపు రంగు చూడొద్దు. ఏంటి ....చూడలేదుగా...చూసారా? అది మీ మైండ్ ఏది ప్రత్యేకంగా అనిపిస్తే దానిని ఫోకస్ చేస్తుంది. చూడొద్దు అని ప్రత్యేకంగా చెప్తే చూస్తుంది కదూ! అందుకే మీ 2016 లక్ష్యాలు సాధించాలంటే ఈ 90 రోజుల చెత్త వదిలించుకునే చేయండి. ఈ 90 రోజులు ఇతరులు, పరిస్థితులు, ఫలితాలు వేటిని నిందించకండి, కారణాలుగా చూపకండి, నెగటివ్ గా మాట్లాడకండి, మీ ఆశీర్వాదాలు లెక్కపెట్టుకోండి , ఆటంకాలు కాదు. మీకు ఉన్న దానితో కృతజ్ఞతతో ఉండండి, ప్రేమ, ఇవ్వటం లోని శక్తిని అనుభవించండి. ఎవరిదగ్గరికైన వెళితే ఏదన్న ఇవ్వండి, ఎవరైనా సరే, చిన్న పువ్వు, చాక్లెట్, నోట్ బుక్, పెన్, ఫ్రూట్, చేతితో చేసిన గ్రీటింగ్ ఏదైనా ఇవ్వండి, డబ్బులు లేవు అనుకోకండి స్వచ్చమైన నవ్వు నేను ఎంత పెట్టినా కొనలేనని తెలుసుకున్నాను అందుకే ప్రేమతో నవ్వుని పంచండి కనీసం. 

b.    మీ ఆలోచన- ప్రవర్తన విధానాలు లక్ష్యాలపై నిబద్దతతో ఉండాలి: మనం ఎప్పుడూ అదే ప్లేస్ లో ఉంటాము, అదే మనుషులతో మాట్లడుతాము, ఒంటరిగా ఉన్నా అవే ఆలోచనలు బొంగరంలా  తిప్పి తిప్పి ఎంత ఆలోచించినా మార్పు రావట్లేదు అనుకుంటూ ఉంటాము. అలా ఒకే ఆలోచన , దానికి తగ్గ పనులు ప్రవర్తనలు ఒక ప్రోగ్రాం లాగ మనలో ఉండిపోతే. వాటిని నేను థాట్ – యాక్షన్ ట్రాప్ (ఆలోచన – ప్రవర్తన ఉచ్చులు) అంటాను. అంతేగా మరి అనుకున్నది కాకుండా ఒక విదానాలైన (మీకు అలవాటు పడిన / మీ ఇగో ని, ఫీలింగ్స్ ని భ్రమలో త్రుప్తిపరిచిన) పద్దతులలో ఆలోచనలు దానికి తగ్గ ప్రవర్తనలు ఈ కొత్త సంవత్సరం లో కూడా ఉంటే గోడమీద క్యాలెండర్ మారుతుంది కాని జీవితం మారదు. కాబట్టి మీ లక్ష్యాల దిశలో మీ అంతర్గత ఆలోచనలు, ప్రవర్తనలు ఉండేలా చూసుకోండి.

c.    మీ భావోద్వేగాలు దేనికి లింక్ పెట్టారు?: మీ శరీరము, మనసు, మీ ఆలోచనలు, మీ జీవితం, ఈ సృష్టి వీటితో మీరు ఆహ్లాదంగా, హాయిగా ఫీల్ అవుతారా? తాదాత్మ్యం, ఆనందం, ఉత్సాహం, హుషారు, సంతోషం, సంతృప్తికరం, అంతర్లీనం, గౌరవం, సుఖం ....ఇవి ఫీల్ అవ్వకపోతే వేరే ఏమి ఫీల్ అవుతారు?. చాలా మంది అది చేసాక నేను సంతోషంగా ఉంటా, ఇది సాధిస్తే నేను ప్రశాంతంగా ఉంటా, ఫలానా ఉంటేనే నాకు ఉత్సాహంగా ఉంటది అని చెప్తుంటారు. కాని మీ ఫీలింగ్స్ కి , మీ పరిస్థితికి అనవసరమైన నెగటివ్ లింక్ పెట్టాల్సిన అవసరం లేదు. అలా లింక్ పెడితే లైఫ్ లో సంవత్సరాలు గడుస్తాయి కాని జీవితం రసమయం కాదు, ప్రేమమయం అనిపించదు. జీవితానికి సంవత్సరాలు చేర్చుకుంటూ వెళ్ళకండి, సంవత్సరాలకి జీవితాన్ని ప్రాణాన్ని మీరే ఇవ్వండి.

d.   మీ శక్తిని కేంద్రీకరించే నిబద్దత: మనం ఈ భూమి మీద కొంతకాలం ఉంటాం. ఈ సమయంలో కొన్ని ముఖ్యమైన పనులు చేస్తాం, కొన్ని అవసరంలేని పనులు చేస్తాము. ఈ ముఖ్యపనులు మనకి అర్థాన్ని , సంతోషాన్ని ఇస్తాయి, అనవసర పనులు కేవలం సమయాన్ని చంపేస్తాయి. సమయం అంటే మన జీవిత కాలం అంటే జీవితాన్నే స్లో –పాయిజన్ లా చంపేస్తాయి. అందుకే మీ జీవిత శక్తిని కేవలం ఇంపార్టెంట్ పనులకు కేటాయించేలా క్రమశిక్షణ అలవరుచుకోండి.

2. మీరు బహిర్గతంగా చేసే అంశాలు మార్చుకోండి:

1. ఉత్పాదకత (ప్రోడక్టివిటీ) ఇచ్చే ప్రదేశంలో ఉండండి: మీ చుట్టూ ఉండే మనుషులు, మీరు ఎప్పుడు గడిపే వాతావరణం, మీరు చదివే పుస్తకాలు, ఆడియోలు/వీడియో లు మీ పై ప్రభావాన్ని చూపుతాయి. కాబట్టి ఒక్కసారి మీ నూతన సంవత్సర కష్యాలకు ఇప్పుడు మీరు ఉన్న వాతావరణం, అందులో మనుషులకు, ఆ వ్యక్తులతో మీ చర్చలకు ఏమైనా సంబంధాలు ఉన్నాయా ఆలోచించండి. కొన్ని పాత జీడిపాకంలా, జిగురునాధంలా అంటుకుంటాయి కాని ఎదగాలంటే ముందు వలలో పడ్డ పావురంలా ఉచ్చులలోంచి బయటపడాలి అప్పుడే ఎగిరే అవకాశం వస్తుంది.మీ ఉత్పాదకత (ప్రోడక్టివిటీ) ని పెంచే మనుషులతో గడపండి, చర్చించండి. కొంత మంది ఉన్నత స్నేహితులు ఉన్నా చాలు, రేలషన్శిప్ అంటే అందరితో టచ్ లో అన్ని రోజులు ఉండటం అనే భ్రమలో ఉండకండి. మీ జీవన ప్రాదాన్యాలకు తగ్గ వారితో విన్-విన్ రిలేషన్స్ ఉంటే చాలు. అందుకే busyness కాదు కావలసింది business అని చెప్తుంటాను నా ట్రైనింగ్ లలో. కొత్త విషయాలు నేర్చుకునేందుకు సమయం, శక్తి కేటాయించండి. ప్రపంచ ప్రఖ్యాతి గాంచిన ఏ వ్యక్తి అయినా నేర్చుకోవడానికి ఉత్సాహం ఉన్న వాళ్ళే. బుక్స్ చదవండి, ఆడియో/వీడియో ల ద్వారా, ఆన్ లైన్ కోర్స్ ల ద్వారా నేర్చుకోండి. ఈ ఒక్క అలవాటు మీ జీవితాన్ని ఉన్నతంగా తీర్చిదిద్దగలదు.    
   
       

b.      నిబద్దతను గుర్తుచేసే అకౌంటబిలిటీ పార్టనర్: మీ లక్ష్యాల దిశలో నిబద్దతను మొహమాటం లేకుండా గుర్తుచేస్తూ, మీ ఎదుగుదలకు కావలసిన సపోర్ట్ ఇస్తూ, సమయాన్ని కేటాయించగలిగే  అకౌంటబిలిటీ పార్టనర్ చాలా బాగా నడిపించగలరు. మీరు ఒక పుస్తకం రాయాలనుకున్నారు, ఇంటివద్ద ఉండి నడిపించగల బిజినెస్ మొదలెట్టాలనుకున్న్నరు, డబ్బు కోసం కొత్త టెక్నాలజీస్ నేర్చుకుని పార్ట్ టైం జాబు చేయాలనుకున్నారు. ఆ విషయం మీ ఇంట్లో వారు లేదా బయట ఫ్రెండ్స్, లేదా మీ మెంటార్ / కోచ్ కి చెప్పండి. వారు మీ లక్ష్యాల దిశలో వెళ్తున్నారా అనే అంశాన్ని మీకు వారానికి ఒకసారి లేదా నెలకు మూడుసార్లు ఫోన్ లేదా డైరెక్ట్ గా కలిసినపుడు రివ్యూ చేస్తారు, మాట్లాడతారు. మీ గోల్ లాంటి గోల్ ఉన్న మరో పార్టనర్ ఉంటె ఇంకా మంచిది. ఇద్దరు రివ్యూ చేసుకునేప్పుడు బెస్ట్ ప్రాక్టీసు లు ఇరువురు నేర్చుకోవచ్చు.

3.   ఫలితాల దిశలో విధానాలు (స్ట్రాటజీ) మార్చుకోండి :

a.   లక్ష్యాలు రాయండి : గోల్స్ కేవలం అనుకోవటం కాకుండా రాస్తే మీ తల రాతనే మార్చుకున్న వారౌతారు అంటారు. అందుకే మీ డైరీ, నోట్ బుక్, జర్నల్ లో గోల్స్ రాయండి. పాజిటివ్ పదాలలో, మీకు కావలసింది ఎప్పటికి , ఏ రూపంలో, ఏ విధంగా కావాలో స్పష్టంగా రాయండి. ఎప్పుడు కంటికి కనిపించేలా లక్ష్యాల పోస్టర్ రాసుకోవచ్చు, లేదా విజన్ బోర్డు చేసుకోవచ్చు. ప్రతి రోజు మీ గోల్స్ ఒక సరి చదవండి, విజువలైజ్ చేసుకోండి, అవి సాధిస్తే ఎలా అ ఫీల్ అవుతారో అలా ఫీల్ అవండి. మీ బుక్ లో ఆ గోల్స్ ఎందుకు సాధించాలో కుడా స్పష్టంగా రాయండి. కారణాలు ముందు వస్తాయి ఆ తర్వాతే మనిషి కారణాలకోసం పనిచేస్తాడు. ఈ లక్ష్యాలను మూడునెలలకి ఒక ముఖ్యమైన మైల్ స్టోన్ గా నిర్మించుకుంటే ఎక్కువ ఫలితాలు ఉంటాయి. అలాగే ప్రతి నెల ఏమి చేయాలో నిర్ణయించుకుని  నెలకి ఒక సారి గత నెలలో ఏమి చేద్దామనుకున్నాము, ఏమి సాధించాము, ఏమి నేర్చుకోవాలి, ఎలా ముందుకెళ్లాలి అని రివ్యూ చేసుకోవాలి.  

b.    ఒక రోజుని ముందు రాత్రి ప్లాన్ చేసుకోండి: మీ లక్ష్యాల దిశలో రేపు చేయాల్సిన పనులు లిస్టు ఈ రాత్రి పడుకునే ముందే రాసుకోండి. అందులో ముఖ్యమైన అంశాలు ముందు ప్రాధాన్యం ఇవ్వాలి, 100% ఆ పని అయ్యే వరకు దృష్టి పెట్టండి. చూడడానికి ఇదేదో “జ్వరం” అంటే “పారాసిటమాల్” అని చెప్పినట్లు సింపుల్ గా ఉంది కానీ ప్రాక్టీసు చేస్తే ఇదే జీవితాన్ని ఫోకస్ తో నడిపే మంచి అలవాటు అని ఖచ్చితంగా గుర్తిస్తారు. 60 రోజులు ప్రాక్టీసు చేయండి లైఫ్ లో భాగామైపోతుంది. 

c.       ప్రతి ఉదయం ఒక పని పూర్తి చేయండి: ప్రతి ఉదయం నిద్ర లేవగానే ఒక పని మొదలుపెట్టి పూర్తి చేయండి. అల చేయడం వలన మీ రోజులో ఉన్న ఇతర ముఖ్య అంశాలు కూడా పూర్తి అయ్యేలా ప్రోత్సాహంగా ముందుకు వెళ్ళాలనే తపన మీలో వస్తుంది. మీరోజులో  ముఖ్యమైన పని మొదలుచేయండి , పూర్తిచేయండి, వేరే ఏ పని చేయకముందు ఈ పని చేయండి. ఇలా చేయటం ఒక అలవాటుగా మార్చుకోండి.

d.      మీ 12 నెలల లక్ష్యాలను చేర్చే నైపుణ్యాలు నేర్చుకోండి: కెరీర్ నిచ్చెన ఎక్కేటప్పుడు అందరు ఒకే పాయింట్ వద్ద మొదలు పెడతారు కానీ 10 సంవత్సరాల తర్వాత కొందరు ఇతరుల కంటే 20 – 50 % ఉన్నత స్థాయిలో ఉంటారు, సంపాదిస్తారు. ఎందుకంటే విజేతలు కెరీర్ నిచ్చెన లో పైకి వెళ్ళే అవసరాలకు తగిన నైపుణ్యాలు నేర్చుకుంటారు, ఒక్కొక్క అడుగు వేస్తూ ముందుకెళతారు. ఐ.సి.ఐ.సి.ఐ. బ్యాంకులో చందాకొచ్చర్, మైక్రోసాఫ్ట్ లో సత్యా నాదెళ్ళ ఒకప్పుడు ఉద్యోగులే,  వారితో పాటు ఎందరో ఆ కంపనీలలో జాయిన్ అయ్యి ఉండొచ్చు, ఎవరు కంపెనీ అవసరాలకు, ఇండస్ట్రీ అవసరాలకు తగిన నైపుణ్యాన్ని చూపిస్తారో వారికి పెద్ద పీత వేస్తారు. దానితో పాటు హోదా, దాబ్బు అవే వస్తాయి. 2016 లో బాగా డబ్బు కావాలంటే , గొప్ప విలువను అందించండి మీ ప్రోడక్ట్ లేదా సర్వీస్ ద్వారా. ఆ స్కిల్స్స్ నేర్చుకోండి.

e.       చిన్న పనులు – పెద్ద విజయాలు: ఐదు చిన్న చిన్న పనులు రోజూ చేసుకుంటూ వెళితే సంవత్సరానికి 1825 విజయాలు మీ జీవితంలో భాగమైపోతాయి. రోజు ఒక్క పేపర్ పై చేతివ్రాత ప్రాక్టీసు చేస్తే 6 నెలలలో అద్భుతమైన మార్పులు వస్తాయి, రోజుకి 4 ఇంగ్లీష్ పదాలు నేర్చుకుంటే 12 నెలలో 1460 కొత్త పదాలు వస్తాయి. ఈ విషయాలలో 50% సక్సెస్ అయినా ఎంతో మంచి ప్రయత్నమే కదా. అందుకే చిన్న పనులు పెద్ద విజయాలకు నాంది అని గుర్తించి కృషి చేయండి. ఇందుకు నిబద్దత, పట్టుదల, క్రమశిక్షణ మేలోనే ఉన్నాయి.
మీకు, మీ కుటుంబ సభ్యులకు , స్నేహితులకు  నూతన సంవత్సర శుభాకాంక్షలు :) 

*********** సైకాలజీ టుడే, జనవరి 2016 లో ప్రచురించిన  నా ఆర్టికల్ ************** 

సమస్యలు ఎదురైనా మిమ్మల్ని విజేతగా నిలిపే 3 స్టెప్ ల సక్సెస్ ఫార్ములా (3-Step Success Formula)

జీవితంలో ఇప్పటివరకు జరిగిన సంఘటనలు, ప్రయత్నాలకి వచ్చిన ఫలితాల ఆధారంగా సక్సెస్ అవ్వాలంటే ఏమి చేయాలి అని ఆలోచిస్తూ కూర్చున్నారా? అసలు ఏ అంశాల మీద, ఏ ఆలోచనలు మీద, ఏ పరిస్థితులు మీద సక్సెస్ ఆధారపడి ఉంది అని అన్వేషిస్తున్నారా? నాలో లేనిది ఏంటి గెలిచే వాళ్ళలో ఉన్నది ఏంటి అని సందిగ్దంలో ఉన్నారా? అయితే మిమ్మల్ని విజేతగా నిలిపే సక్సెస్ ఫార్ములా అందుకోండి.

స్టెప్  1:   మీతో మీరు మాట్లాడుకునే విధానం మార్చండి (సెల్ఫ్ టాక్): చాలామంది ఉన్నదానికి త్రుప్తితో ఆనందంతో లైఫ్ ఎంజాయ్ చేయకుండా, కృతజ్ఞతా భావంతో ఆస్వాదించకుండా లేనిదాన్ని తలుచుకుని,  గతాన్ని తలుచుకుని, భవిష్యత్తు ని ఊహించుకుని వాటి పరిస్థితులు ఎలా ఉంటాయో, ప్రభావం ఎలా ఉంటుందో  అని ఆలోచిస్తూ ఉంటారు. అలా లేని సమస్యని ముందే ఊహించుకుని వర్తమానాన్ని ఇంకొంత  జటిలం చేసుకునే బదులు ఆనందంగా గడపొచ్చు అన్న చిన్న జీవన విధానం తెలియకనే ఈ పరిస్థితి. ఇంకోటి ఈ ప్రపంచంలో ఆనండం ఎక్కడ ఉంది అంటే “పరిస్థితి” ని బట్టి కాదు , మనో స్థితి ని బట్టి అని చెప్పుతుంది భారతీయ జ్ఞాన సంపద.  అందుకే మీతో మీరు ఉన్నతంగా, ప్రయోజనాత్మకంగా, జడ్జిమెంట్ ఇవ్వకుండా, సానుకూలంగా మాట్లాడుకోండి. మీకు ఎవైనా అనుమానాలు ఉంటె నివృత్తి చేసుకోండి కాని “ఈ పరిస్థితిలో మీరు ఉంటె తెలుస్తుంది...” అని ఒక అంతు చిక్కని రామ బాణాన్ని సంధించకండి. అది కేవలం ఇగో ని త్రుప్తి పరుస్తుంది. ఎప్పుడైతే మీతో మీరు ఉత్తేజితంగా, మాట్లాడారో అప్పుడు మీలో పూర్తి శక్తుల్ని ఉపయోగించుకోగలరు అని ప్రయోగాలలో కూడా తెలిసిన అంశం.  మూడో వ్యక్తితో మాట్లాడినట్లు మాట్లాడటం వలన కూడా మీ ఎమోషనల్ లెవెల్ లో ఉండే కొంత భయాలు పోతాయని రీసెర్చ్ లో చెప్పబడింది. “ నేను ఈ రోజు గొప్ప మీటింగ్ చేయలేను” అనే బదులు , “రమేష్ ...ఈరోజు నువ్వు చేయగలవు, గతంలో చేసావు, ఇది కేవలం నీకు మరో అవకాశం , కొత్త ప్లేస్ అంతే” అని మాట్లాడుకుంటే చక్కటి ప్రభావం ఉంటుంది. సెల్ఫ్ టాక్ లో కాస్త పవర్, పేషన్స్, “ఇలా అయితే ఇంకా హాయిగా ఉంటుందేమో”  అనే కొత్త సెన్స్ ఉండేలా చూసుకోండి, మీ లైఫ్ మీ చేతిలోకి వచ్చేలాంటి సింపుల్ , పవర్ ఫుల్ టెక్నిక్ ఇది.

స్టెప్ 2:   మిమల్ని భౌతికంగా ఉన్నతంగా మార్చుకోండి (ఫిజియాలజీ):

కేవలం మీతో మీరు మాట్లాడే మాటలే కాదు, మీ శరీరాన్ని, ముఖ కవలికాలని, మీ బాడీ మోత్తన్న్ని ఎలా ఉపయోగిస్తారు అనేది మీతో మీరు వేర్వేరు అంశాల మీద ఎలా ఫీల్ అవుతున్నారు అనేది నిర్నైస్తుంది. మీ ఆత్మ విశ్వాసాన్ని స్పష్టం చేస్తుంది. సోషల్ సైకాలజిస్ట్ అమీ కెడ్డి  మనిషి బాడీ లాంగ్వేజ్ కి ఎమోషన్స్ కి మద్య సంబంధాన్ని గురించి చేసిన అధ్యయనాల్లో అనేక ముఖ్యమైన విషయాలు చెప్పారు. మీరు మీ బుజాలు వంచి చిన్నగా వంగిపోయి నడుస్తూ, అల కూర్చుంటూ , స్లో గా మాట్లాడితే తక్కువ కాన్ఫిడెన్స్ ఫీల్ అవుతారు, అదే పవర్ఫుల్ మాన్ గా (హి మాన్, వీర హనుమాన్) లాగా పోసే పెడితే ఆటో మాటిక్ గా పవర్ఫుల్ గా ఫీల్ అవుతారు. ఈ బాడీ లాంగ్వేజ్ అండ్ ఎమోషన్ రేలషన్ అర్ధం చేసుకుంటే మీరు గొప్ప ఒత్తిడి అనుకున్న క్షణంలో కూడా నెమ్మదిగా నవ్వుతు బాడీ లాంగ్వేజ్, ముఖ కవళికలు, సున్నిత మైన ముఖ కవళికలు అలవాటు చేసుకుని ఉంటె స్థిత ప్రజ్ఞత మీ లైఫ్ లో భాగ మైపోతుంది. మూడ్స్ ఎలాగో ఉంది అనుకున్నప్పుడు నిల్చొని చప్పట్లు కొట్టండి, వాల్కిగ్న్ చేయండి, ఆకాశం వైపు చూస్తూ గట్టిగా గాలి పీల్చుకోండి ...మీకు ఈ భౌతిక శరీరానికి – మనసుకు ఉన్న లింక్ బాగా అర్ధం అవుతుంది. దీని మీద పట్టు సాధించారంటే మీ ఎమోషన్స్ పూర్తిగా మీ కంట్రోల్ లోకి వచ్చి నట్టే. అందుకే పవర్ ఫుల్ బాడీ లాంగ్వేజ్ లో ఉండండి , అద్భుతాలు మీ సొంతం చేసుకోండి. 

స్టెప్ 3:   మీ స్వయం నిర్వచనం  మార్చుకోండి (సెల్ఫ్ డిస్క్రిప్షణ్):

మీ గురించి మీరు ఏమి అనుకుంటున్నారు అనే  మీ స్వయం నిర్వచనం, ఇది మీ శక్తి యుక్తుల్ని మీ చర్యల్ని ప్రభావితం చేస్తుంది.  నిర్ణయిస్తుంది. మీ జీవన నాణ్యతని నిర్ణయిస్తుంది. మీరు ఏ స్థాయిలో వ్యాపారం/ ఉద్యోగం చేయాలనుకుంటున్నారు? ఏ విధానాలు , ఎంత పెద్ద కారణం కోసం చేయాలనుకుంటున్నారు? ఏ కంపెనీ కార్ కొనాలనుకుంటున్నారు? ఎటువంటి ఇల్లు/ విల్లా  సొంతం చేసుకోవాలనుకుంటున్నారు?  ఎంత సంపద /డబ్బు సంపాదించాలనుకుంటున్నారు? మీ పిల్లలని ఎంత పెద్ద స్కూల్ లో చదివించాలనుకుంటున్నారు? మీ ఫ్యామిలీ తో ఏ ప్రదేశాలకు వెళ్లాలనుకుంటున్నారు? ఏ దేశాలు, ప్రదేశాలు చూడాలనుకుంటున్నారు? ఇవన్నీ మిమ్మల్ని మీరు ఏమని వర్ణిస్తారు, మీకు మీరు ఏమని నిర్వచిన్చుకుంటారో దానిపైనే ఆధార పడి ఉంది. ఏమి చేస్తునారు అంటే “ఎదో నెల కి ఒక ప్లాట్ అమ్ముతున్నాను “ అన్న దానికి “పెట్టుబడికి ఖచ్చితంగా రాబడి ఇచ్చే నమ్మక మైన వెంచర్ లో ప్రజలకి కావలసిన ప్లాట్ లు అందిస్తున్నాను”  అన్నదానికి చాలా తేడా ఉంటుంది. మన పరిచయ వాక్యానికే ఇంత గొప్ప అర్థాన్ని ఇవ్వగాలిగినపుడు జీవితానికి ఎంత గొప్ప అర్థాన్ని ఇచ్చుకోవచ్చు. అందుకే మిమ్మల్ని మీరు విజేతలుగా నిర్వచించుకోండి.

ఈ మూడు సోపానాల సక్సెస్ ఫార్ములా  60 రోజులు పాటిస్తే విజేతలుగా మానసికంగా సంసిద్దులౌతారు. వీటిలో పవర్ చదివినప్పుడు  కంటే పాటించే సమయంలో మీకు స్పష్టంగా తెలుస్తుంది. మీ విజయాలు మాతో పంచుకోండి.

*****************   సైకాలజీ టుడే , నవంబర్ 2015 లో ప్రచురించిన  నా ఆర్టికల్ *******************

Four Love Mantras That Can Make Your Dreams A Reality (మీ కలలను నిజం చేసే నాలుగు ప్రేమ మంత్రాలు)

మీ జీవితాన్ని ఉన్నతంగా నడిపించేందుకు ఉపయోగపడే నిర్ణయం, అలవాటు, బాధ్యత , ప్రణాళికల  గురించి చర్చించాము. అయితే మీరు తీసుకున్న నిర్ణయాలు దిశలో ఫలితాలు సాధించడానికి, మీ కలలను నిజం చేసుకోవడానికి మీరు నేర్చుకోవలసిన నాలుగు ప్రేమ మంత్రాలు ఏమిటో, అవి ఎలా మీ జీవితాన్ని అద్భుతంగా తీర్చిదిద్దుతాయో వంటి ఆసక్తికర తెలుసుకుందాం.

* * * * * * * * * * * * * * * * * *

మంత్రం 1. ప్రేమతో విహారాన్ని నిర్ణయించుకోండి: చాలా మంది చేసేపని ఏమిటంటే ఆఫీస్ పనులు, బిజినెస్ పనులు, వృత్తి పరమైన అంశాలకు సమయం కేటాయించిన తరువాత కుటుంబానికి, తనకు తాను , తన విహారానికి, రిక్రియేషన్ కి టైం కేటాయిస్తారు. ఎఫెక్టివ్ రిసోర్స్ మేనేజ్ మెంట్ కన్సల్టెంట్ లు ఏమంటారంటే ముందు మీరు ఆనందంగా గడపవలసిన తేదీలు నిర్ణయించుకోండి, ఆనందంగా, కుటుంబంతో , స్నేహితులతో, తోటివారితో రిక్రియేషన్ టైం నిర్ణయించుకోండి ఆ తర్వాత మిగతా టైం ఆటోమాటిక్ గా ఎక్కువ ప్రొడక్టివిటీ సాధించే విధంగా ప్లాన్ చేస్తారు, అలాగే ఫలితాలు సాధిస్తారు. ఎందుకంటే మీరు ఎంత రిలాక్స్ గా , రెఫ్రెషింగ్ గా ఉంటే అంత క్రియేటివ్ గా ఆలోచిస్తారు అని. మెడిటేషన్ తరువాత పనులలో ఫోకస్ పెరగడానికి కూడా కారణం ఇదే.

మంత్రం 2. ప్రేమతో ప్రాసెస్ విజువలైజేషన్ : నిర్ణయించుకున్న లక్ష్యాల దిశలో పనిచేసే రియల్ సీన్ కి ప్రివ్యూ సీన్ మీ మైండ్ థియేటర్ లో విజువలైజేషన్ చేయండి. చాలామంది ఆఖరికి ఏమి సాధిస్తారో ఆ రిజల్ట్ మాత్రమే విజువలైజ్ చేస్తారు. కాని రీసెర్చ్ లో తేలిన అంశం ఏమిటంటే ఫలితాన్ని మాత్రమే కాకుండా ఆ ఫలితాన్ని సాధించేందుకు చేస్తున్న కృషిని, ఆ మార్గంలో ఎదురయ్యే సవాళ్ళను, అవి అధిరోహించడానికి తీసుకునే చర్యలను కుడా  ప్రేమతో విజువలైజ్ చేస్తే అత్యధిక పాజిటివ్ ఫలితాలు సాధించవచ్చు.

మంత్రం 3. ప్రేమతో “నో” చెప్పండి : అవును. ప్రేమతో “నో” చెప్పాలి- మీలో ఉండే మీ ఆలోచనలకూ, మీ బయట ఉండే నెగటివ్ బంధాలకు. గతంలో మీకు ఆశించిన ఫలితాలు ఇవ్వని మీ ఆలోచనా విధానాలకు, మీ కంక్లుజన్స్ కు, మీ రిపీటెడ్ ఆలోచనా సరళికి, నెగటివిటీ కి, నెగటివ్ ఎనర్జీ నింపే మనుషులకు, మీ శక్తిని హరించేలా మిమ్మల్ని ఎమోషన్స్ కు గురిచేసే అంశాలకు ప్రేమగా నో చెప్పండి. ఈ నెగటివ్ ఎనర్జీ మిమ్మల్ని ఆవహించినపుడు మీలో మీరు  “డార్లింగ్ నువ్వు నన్ను , నా గోల్స్ ను డిస్టర్బ్ చేయొద్దు. నీ మత్తులో పడి నేను చిత్తు కాదలచుకోలేదు” అని  చెప్పండి. మీ గతం, మిమ్మల్ని మోసం చేసిన అంశాలు, మీ బలహీనతలు , మీ చాలెంజ్ లు గుర్తుకి వస్తే  “నన్ను అలర్ట్ చేసినందుకు కృతజ్ఞతలు, నేను నీ నుండి నేర్చుకుంటున్నాను. పాజిటివ్ గా జీవిస్తున్నాను” అని చెప్పుకోండి.

మంత్రం 4. ప్రేమతో “ఒక పదం- టెక్నిక్” పాటించండి  :మీరు ప్రస్తుతం నిర్ణయించుకున్న లక్ష్యాలను నిత్యం మీకు గుర్తుచేసేలా మీ వెసులుబాటుకోసం, మీ ఫోకస్ క్షణాల్లో మీ గోల్స్ / డ్రీమ్స్ పై తీసుకురావటం కోసం, అనవసర అంశాలనుంచి మిమ్మల్ని మీరు సులభంగా బయటపదేసే అద్భుత మంత్రం ఒకటి ఉంది . అదే “ఒక్క పదం – టెక్నిక్” . ఇది చాలా సులభం , కాని పాటిస్తే ఇదో నిజ జీవిత అద్భుతమని మీరే చెప్పగలరు. ఇందుకు మీరు చేయవలసింది ఏమిటంటే మీ లక్ష్యాలు గుర్తుంచుకునేలా ఇంగ్లీష్ లో కాని, తెలుగు లో కానీ ఒక అందమైన చిన్న పదాన్ని చేసుకోవటం. ఆ పదం చదవగానే మీ లక్ష్యాలు గుర్తుచేసుకోవడం. నేను నా లక్ష్యాలు గుర్తుండడానికి BOWL (బౌల్ ) అనే పదం చేసుకున్నాను. ఎందుకంటే బుక్ రాయటం, ఆఫీస్ స్టార్ట్ చేయటం, వెబ్ సైట్ చేయించటం, బిజినెస్ ఎలా చేయాలి అనే అంశం మీద కోర్స్ చేయటం నా లక్ష్యాలు. అందుకే ఈ అంశాల ఇంగ్లీష్ రూపానికి ఈ విధంగా BOWL (Book, Office, Website, Learning entrepreneurship course) అనే ఒక్క పదం  టెక్నిక్ వాడాను. నేను ఏ పని చేసినా ఇది నాలో నేను అనుకుంటూ ఉంటాను. ఆ పని ఈ అంశాలకు అనుసంధానంగా ఉండేలా ప్రయత్నిస్తాను. ఎందుకంటే ప్రయారిటీ ముఖ్యం కదా. ఫోకస్ ఆటోమేటిక్ గా వస్తుంది. ఈ టెక్నిక్ 66 రోజులు పాటించండి. ఎవరితో అయినా మాట్లాడడానికి సెల్ ఫోన్ ఉన్నట్లుగా, స్విచ్ వేస్తే బల్బ్ వెలిగినట్లుగా, మీరు పదం చదివితే మీ లక్ష్యాల పై మీ మనసు లగ్నం అవుతుంది. ఇంకెందుకు ఆలస్యం మీరు ప్రేమతో “ఒక పదం –టెక్నిక్” తయారుచేసుకోండి, అద్భుతాలు  సాధించండి.

4 Things That Can Influence Your Success in 2015 (2015 లో మీ విజయాన్ని ప్రభావితం చేసే 4 అంశాలు)

కోటి ఆశలతో ప్రపంచం మొత్తం ఒక కొత్త సంవత్సరం లోకి అడుగుపెడుతున్నది. అనేక సంస్థలు కొత్త లక్ష్యాలను నిర్దేషించుకుంటున్నాయి. లీడర్లు, విజేతలు అవ్వాలనుకునేవారు కొత్త లక్ష్యాలను నిర్దేశించుకుంటారు. మరి మీరు ఈ నూతన సంవత్సరం 2015 లో సాధించాల్సిన ముఖ్య లక్ష్యాలు ఏమిటి? గత సంవత్సరం 2014 జనవరిలో లేదా సంవత్సరం మద్యలో ఏమైనా లక్ష్యాలు నిర్ణయించుకున్నారా? అయితే వాటి విషయంలో మీరు ఎటువంటి ప్రగతిని సాధించారు?  

ఎంత గొప్ప లక్ష్యాలు నిర్ణయించుకున్నా, ఎంత ఉన్నత పద్దతులలో నిర్ణయించుకున్నా ఆ లక్ష్యాలు చేరే మార్గం సుగమం కావాలంటే కొన్ని మానసిక మరియు నిర్వహణా ప్రక్రియలు జరగాలి. కొత్త సంవత్సరంలో మిమ్మల్ని ముందుకు నడిపించే ఆ అద్భుత ప్రక్రియలో ముఖ్యమైన నాలుగు కీలక అంశాలేమిటో ఏమిటో చర్చిద్దాం. 

1. ఒక నిర్ణయం: మీ లైఫ్ పర్పస్ దిశలో మరో 12 నెలలలో మీకు ఏమి కావాలి? 

మరో పన్నెండు నెలలలో మీ జీవిత దఎయాలకు మీరు చేరుకోవాల్సిన లక్ష్యాలు ఏమిటి ?  వీలైతే గత సంవత్సరంలో జనవరి లో మీరు లక్ష్యాలు రాసుకున్న మీ డైరీ/నోట్ బుక్  ఒకసారి చెక్ చేసుకుని ఈ ఆర్టికల్ చదవటం ప్రారంభించండి. గతంలో లక్ష్యాలు నిర్దేషించుకోకపోతే మీ ఒక సంవత్సరం లక్ష్యాలు టైం లైన్ తో స్పష్టంగా వ్రాసుకోండి. ఎందుకంటే కేవలం అది కావాలి, ఇది కావాలి అని ఆశిస్తే కేవలం ఆశించాతంలోనే ఎక్స్ పర్ట్ అవుతారు. ఆశించింది సాధించాలంటే  మీ ఆశలను లక్ష్యాలుగా మార్చుకోవాలి. ఈ ప్రపంచంలో లక్ష్యాలు రాతపూర్వకంగా నిర్దేశించుకునే కొద్దిమంది గొప్ప వారిలో మీరు భాగం కావాలి. అందుకే లక్ష్యాలు స్పష్టంగా రాసుకోమని వివరించాము. లక్ష్య నిర్దేశం (గోల్ సెట్టింగ్) మీరు ఆశించిన ఫలితాలను స్పష్టంగా వివరిస్తుంది. మీ మైండ్ లో ఒకటి సాధించాలంటే ఆలోచనల్లో స్పష్టత ఉండాలి. కాబట్టి మీ శరీరం, మనసు, మీ కెరీర్, మీ కుటుంబం, మీ ఆర్ధిక వ్యవహారాలూ, మీ సోషల్ లైఫ్, మీ ఆథ్యాత్మిక జీవితానికి, మీ లెర్నింగ్ గోల్స్, మీ రిక్రియేషన్ గోల్స్ అన్నింటిని దృష్టిలో ఉంచుకొని లక్ష్యాలు నిర్ణయించుకోండి. మీకు ఏమి కావాలో, ఎందుకు కావాలో తెలిస్తే  ఎలా సాధిస్తారు అనేది ఈ ప్రపంచం అదే చూసుకుంటుంది. అయితే అందుకు మీరు చేయవలసింది మీ జ్వలించే కోరిక దిశలో ప్రాధాన్యాలు (priorities) దృష్టిలో ఉంచుకొని పనిచేయడం.

2. ఒక అలవాటు: మీ లక్ష్యాల దిశలో మరో 12 నెలలు మీ అలవాట్లు నిర్మించుకోండి: 

ఒక లక్ష్యం నిర్ణయించుకున్న తర్వాత మీ శక్తిని, సమయాన్ని దానికి అనుసంధానమైన అంశాలలోనే ఉపయోగించుకోగలగాలి. ఇది ఒక ఉన్నత అలవాటు. ఇది మీ జీవితంలో భాగమై పోవాలి. అందుకు మీ లక్ష్యాల దిశలో తక్షణం అడుగు వేయాలి. మీరు కోరుకున్న లక్ష్యాలు సాధించిన వారి గురించి తెలుసుకోండి, వారు ఎలా ప్రయత్నించారో చర్చించండి, ఆ రంగానికి చెందిన పుస్తకం చదవండి, ఒక నిష్ణాతుడికి కాల్ చేయండి. ఒక కోర్స్ జాయిన్ అవటం, ఆరోగ్యం కోసం జిం లో జాయిన్ అవటం, ఆర్థిక అంశాలపై అవగాహన కార్యక్రమాలకి వెళ్ళటం, వర్క్ లో ప్రొడక్టివిటి పెంచుకోడానికి కోచింగ్ తీసుకోవటం, ప్రేమ ఆప్యాయతలను తెలిపేందుకు మీ బంధువులు కుటుంబ సభ్యులను కలవటం ఇలా అది ఎంత చిన్నపని అయినా  సరే ఆ దిశలో మొదటి అడుగు వేయడం ముఖ్యం. ఈ చిన్నపని లక్ష్యం నిర్దేశించుకున్నప్పుడు మీలో జ్వలించిన ఉత్సాహాన్ని సాధించే వరకూ కొనసాగించేలా ఉపయోగపడుతుంది. ఎంత పెద్ద కొండ అయినా చెట్టు అయినా సరే గొడ్డలితో రోజుకు కొంత సమయం నరికేస్తూ పోతే  ఒక రోజుకి కూలిపోతుంది. అలాగే మీరు మీ శక్తిని, ఫోకస్ ని, సమయాన్ని మీ లక్ష్యం వైపు నడిపించేలా మీ అలవాట్లు నిర్మించుకోండి. మీ ప్రగతిని నిరోధించే అనవసర అలవాట్లు వదిలేసి ఉన్నత అలవాట్లు ఈ 12 నెలలో మీ జీవితంలో భాగం చేసుకోండి.

౩. ఒక బాధ్యత: 12 నెలలు మీ ఫలితాలకు మీరు బాధ్యత వహించండి:

“కొంతమంది గత సంవత్సరం  లక్ష్యాలు పెట్టుకున్నాం కానీ జనవరి , ఫిబ్రవరి తర్వాత వాటి మీద పనిచేయలేదు” అని చెబుతుంటారు. ఎందుకు చేయలేదు అంటే వారు చెప్పే సమాధానాలు ఇలా ఉంటాయి.

• మా ఇంట్లో వాళ్ళు అర్థం చేసుకోవటంలేదు
• నాకు మా ఫ్యామిలీ మెంబర్స్ సపోర్ట్ కుడా లేదు
• నాకు కావలసినంత టైం లేదు
• ఈ పని చేయాలంటే డబ్బు బాగా పెట్టాలి
• నేను లంచాలు ఇవ్వలేను కాబట్టి నాకు పనులు కావు
• నాకు ఇంగ్లీష్ రాదు
• మా కుటుంబంలో , మా ఊరిలో ఎవరు అటువంటి ప్రయత్నం చేసి విజయం సాధించిన వారు లేరు
• ఆడ పిల్లలకి అంత పెద్ద ఉద్యోగాలు ఎంత ప్రయత్నించినా రావు
• నాకు లోన్ రాలేదు
• నా పార్టనర్ మంచోడు కాదు
• నా మంచితనం నాకు పనికి రాదు
• సరైన ప్రభుత్వాలు లేవు, వ్యవస్థ లేదు
• డబ్బు సంపాదించటం అంత ఈజీ కాదు

ఇలా చెప్తూ పోతే ఈ లిస్టు ఇలా పెరుగుతూనే పోతుంది. నా పనులు ఎందుకు కాలేదంటే అంటూ కారణాలు చెప్తూ పోతే ఆ కారణాలు చెప్పటంలో ఎక్స్ పర్ట్ అవుతాము. కాని పనులు కావు. ఎన్ని అడ్డంకులున్నా ఇంకా ఉన్నతంగా ఎదగాలంటే ఏమి చేయాలనీ ప్రశ్నించుకోవాలి.  మనుషులు ఫలితాలు సృష్టించడానికి మార్గాలను వెతుక్కోవటం కంటే , ఫలితాలు ఎందుకు సృష్టించాలేకపోయరో చెప్పే కుంటిసాకులు వెతుక్కోవటంలో ఎక్కువ అలిసిపోతున్నారు. దాని వలన మనల్ని మనం (కాస్త మన ఇగో కూడా) మభ్య పెట్టుకోవటమే అవుతుంది. కాని ప్రపంచం మన అపజయాలకి కారణాలను చూడదు, జీవితంలో కారణాల లిస్టుకి అంతం ఉండదు. నిజానికి విజేతలందరూ ఇటువంటి అడ్డంకులను, ఆటంకాలను దాటి వచ్చిన వారే. కాబట్టి భిన్నంగా ఆలోచించాలి. మీ జీవితానికి, మీ అలవాట్లుకు  100% బాధ్యత తీసుకోవాలి. మీ అలవాట్లకు, మీ ఫలితాలకు బాధ్యత మీరే తీసుకోండి, ఆ విధానంలో మిమ్మల్ని మీరు మెరుగు పరుచుకోగలరు.

4. ఒక ప్రణాళిక : ప్రతినెల ప్రణాళికతో ప్రగతిని పరిశీలించుకోండి :

మీ ప్రతి లక్ష్యం సాధించడానికి మీరు చేయవలసిన పనులు ఒక నెలల వారిగా రాసుకొని ఒక సంవత్సర ప్రణాళిక ఈ క్రంద ఇవ్వబడిన చార్ట్ లో మాదిరిగా చేసుకోండి. మీరు నిర్దేశించుకున్న ముఖ్యమైన అన్ని లక్ష్యాలు ఎడమ వైపు రాసుకోండి. ఈ క్రింద వివరించిన చార్ట్ లో స్థలాభావం వలన మేము కేవలం ఉదాహరణలు అందించాము. మీరు మీ నోట్ బుక్ / డైరీ లో అన్ని అంశాల లక్ష్యాలు స్పష్టంగా రాసుకోండి. ఆ లక్ష్యాన్ని చేరుకోవాలంటే చేయాల్సిన పనులు విడిగా రాసుకోవచ్చు. ఆ లక్ష్యాలు చేరుకోడానికి సమయాన్ని నెలలు రంగు తో నింపండి. ఈ సంవత్సర ప్రణాళికను దగ్గర పెట్టుకుని ప్రతి నెల మీరు ఆ నెలలో ఏమి చేస్తే మీ ఇయర్ గోల్ సాధిస్తారో దాని ప్రకారం నెలలో నిర్వహించాల్సిన కార్యక్రమాలు రాసుకోండి. అంటే ఏ నెలలో ఏం పనులు చేయాలో రంగు ఉన్న ప్రదేశాన్ని చూసి, మీ ఇయర్ గోల్స్ చదవటం ద్వారా అర్థవంతంగా నెలవారీ లక్ష్యాలు నిర్ణయించుకోవచ్చు.

సంవత్సర ప్రణాళిక చార్ట్:

S.No

లక్ష్యాలు

జనవరి  2015

ఫిబ్రవరి  2015

మార్చ్ 2015

ఏప్రిల్  2015

మే  2015

జూన్2015

జూలై 2015

ఆగష్టు 2015

సెప్టెంబర్ 2015

అక్టోబర్ 2015

నవంబర్ 2015

డిసెంబర్ 2015

A

శారీరక ఆరోగ్యం

1

శారీరక వ్యాయామం ద్వారా నా ఆరోగ్యాన్ని ఉన్నతంగా, నా శరీరాన్ని శక్తివంతంగా చేసుకుంటాను

2

జూలై 2015 నాటికి నేను 60 కిలోల శరీర బరువు కలిగి ఉంటాను

3

జనవరి 2015 నాటికి నేను హెల్త్ ఇన్సూరెన్సు తీసుకుంటాను

B

మానసిక ఆరోగ్యం

1

యోగ, మెడిటేషన్ ప్రతి రోజు ప్రాక్టీసు చేస్తాను.

2

జనవరి, ఫిబ్రవరి, మార్చ్ లో  లైఫ్ కోచింగ్ క్లాసు కి వెళతాను

C

కుటుంబ జీవితం

1

నా కుటుంబంతో, స్నేహితులతో నా సంబంధాలు ఉన్నతంగా తీర్చిదిద్దుకుంటాను. ఉదా: ప్రతి వారం ఇద్దరు పాత స్నేహితులతో మాట్లాడతాను

3

ఆగష్టు 2015 నాటికి నేను పెళ్లి చేసుకుంటాను

D

చదువు / వృత్తి/ ఉద్యోగమ/ వ్యాపారము

1

జూన్ 2015 నాటికి నా కొత్త వ్యాపారము మొదలు పెడతాను

2

సెప్టెంబర్ 2015 నాటికి నేను PhD లో / కొత్త కోర్స్ లో చేరతాను

E

ఆర్ధిక జీవితం

1

డిసెంబర్ 2015 నాటికి నేను రూ. 25 లక్ష లు సంపాదిస్తాను

F

ఫన్ , లెర్నింగ్ , రిక్రియేషన్

1

ఆగష్టు 2015 నాటికి నేను ఇండియాలో  4 పర్యాటక కేంద్రాలకు వెళతాను

2

ఈ సంవతరం జనవరి , సెప్టెంబర్ లలో కార్టూన్స్ గీయడం, స్విమ్మింగ్ నేర్చుకుంటాను

G

సమాజ సేవ, వాలంటరీ సర్వీస్

1

నేను జూలై  2015 నాటికి 5000 రూ|| పేద అనాధ విద్యార్ధులకు అందిస్తాను, నెలకి ఒక రోజు సంక్షేమ కార్యక్రమంలో పాల్గొంటాను

ఈ విదంగా ఏ నెలలో ఏం పనులు చేయాలో నిర్ణయించుకున్నాక, నెల వారి లక్ష్యాలు చేరుకోడానికి ఏమి చేయాలో వారానికి ఏమి చేరుకోవాలో మైల్ స్టోన్స్ గుర్తిస్తూ నెలవారీ ప్రణాళిక చేసుకోవాలి. ఇది మీ శక్తిని, మీ సమయాన్ని ఉన్నతంగా , ఫోకస్ తో ఉపయోగించుకోడానికి ఒక చక్కటి మేజిక్ టూల్ వంటిది. ప్రతినెలా మొదటి రెండు రోజులలో మీ ఇయర్లీ ప్లాన్ నుంచి మంత్లీ ప్లాన్ సిద్దం చేసుకోండి. ఈ క్రింద ఉదాహరణలో ఆరు రోజులకు మంత్లీ ప్లాన్  ఇవ్వబడింది. మీరు జనవరి నెల కు ప్రణాళిక 31 రోజులకు చేసుకోండి.  ఆ పనులు చేస్తున్నపుడు పరిస్థుతులకు తగినట్లు మార్పులు చేసుకున్న పర్లేదు కాని మార్పులు మీ ఫోకస్ ని, మీ ప్రాధాన్యాలను మార్చకుండా జాగ్రత్త పడండి. ప్రతి నెల గత నెలలో ఏమి చేసాము, ఎలా చేసాము, ఏమి చేయలేక పోయాము, ఇంకా బాగా చేయాలంటే ఎలా, అడ్డంకులు ఎలా అధిగమించవచ్చు అని పునర్విమర్శ చేసుకోండి.

జనవరి – మంత్లీ ప్లాన్:

జనవరి  2015 - నెల ప్రణాళిక
తేది	వారం	చేయవలసిన కార్యక్రమాలు	పూర్తి చేసిన కార్యక్రమాలు
1	గురువారం	ఎక్సర్ సైజ్ , బుక్ రీడింగ్, ప్రొఫెసర్ సుబ్బారావు ని కలవాలి, కోర్స్ వివరాలు తెలుసుకోవాలి,
2	శుక్రవారం	ఎక్సర్ సైజ్ , బుక్ రీడింగ్ ౩౦ నిమిషాలు, కోర్స్ లో జాయిన్ అవ్వాలి
3	శనివారం	ఎక్సర్ సైజ్ , ఓల్డ్ ఫ్రెండ్స్ తో మాట్లాడాలి, జిం లో జాయిన్ అవ్వాలి ,
4	ఆదివారం	ఎక్సర్ సైజ్ , వారాంతపు పునర్విమర్శ (వీక్లీ రివ్యూ), బంధువులతో ముచ్చట్లు, నచ్చిన పుస్తకం కంప్లీట్ చేయాలి
5	సోమవారం	8 గంటలు చదువుకోవాలి, , తల్లి దండ్రులకు వర్క్ లో హెల్ప్ చేయాలి
6	మంగళ వారం	ఎక్సర్ సైజ్ , బిజినెస్ మీటింగ్

ఈ కొత్త సంవత్సరం అద్భుతం అవ్వాలంటే మీ జీవితాన్ని నడిపించే మీ లైఫ్ పర్పస్ దిశలో లక్ష్యాలు, లక్ష్యాల దిశలో బాధ్యత, ఆ బాధ్యతను నిర్వర్తించేందుకు ఉపయోగపడే ఉన్నత అలవాట్లు, మిమ్మల్ని ఫోకస్ తో నడిపించే ప్రణాళిక ఉండాలి. ఇవన్నీ ఆయుధాల వంటివి ఈ ఆయుధాలు పనిచేయాలంటే మీరు వాటిని వాడాలి. రెగ్యులర్ గా వాడాలి. జనవరి లో ఉత్సాహంతో మొదలుపెట్టి మార్చిలో అటకెక్కించే అంశాలు రాసుకున్నట్లైతే వాటిని మళ్ళీ చెక్ చేసుకోండి. పాత అలవాట్లను అటక ఎక్కించండి. ఒక జీవితం ఒక అద్భుతం అవ్వాలంటే గతానికి బాధ్యత వహిస్తూ, రేపటిపై నమ్మకంతో, ప్రతిక్షణం అర్ధవంతంగా, ఆనందంగా ముందుకు వెళ్ళే లక్షణం ఉండాలి.