ఎంట్ర ప్రెన్యూర్ షిప్, బిజినెస్....మీ ప్రయాణం ఎటువైపు? Entrepreneurship or Business - What's your choice?

ఎంట్రప్రెన్యూర్షిప్ కి, బిజినెస్ కి మధ్య వ్యత్యాసం ఉందా? లేక రెండూ ఒకటేనా? ఈ రెండింటికి మధ్య పోలికలు ఉన్నాయా? ఎంట్రప్రెన్యూర్స్ ఎవరు? బిజినెస్ పీపుల్ ఎవరు? వాళ్ళ ఆలోచనా రీతులు ఏమిటి? ఈ అంశాలను తెలియజేసే ప్రయత్నమే ఈ ప్రత్యేక వ్యాసం.

***    ***    ***    ***    ***    ***

ఆక్స్ ఫర్డ్ డిక్షనరీ ప్రకారం ఒక వ్యక్తి బిజినెస్ మొదలుపెట్టి, రిస్క్ చేయటానికి సిద్దమై, లాభాలకోసం పని చేస్తే అతన్ని ఎంట్రప్రెన్యూర్ (Entrepreneur) అంటారు. ఇది  ఫ్రెంచ్ నుంచి వచ్చిన పదం.  నిజానికి ఈ పదాన్ని ఆంట్రప్రెన్యూర్  అని పలకాలి, కానీ మనకు మొదటినుంచి ఎంట్రప్రెన్యూర్ పలకడం అలవాటైపోయింది.   

ఎంట్రప్రెన్యూర్స్ ఎవరు? బిజినెస్ పీపుల్ ఎవరు? ఎంట్రప్రెన్యూర్షిప్ కి, బిజినెస్ కి తేడా ఏమిటి? మీకెప్పుడైనా ఈ అనుమానం వచ్చిందా? ఈ రెండు విధానాలలోనూ నిరుద్యోగులకి ఉద్యోగాలు ఇస్తారు, వినియోగదారుల సమస్యలు తీరుస్తారు, జాతీయ ఆర్ధిక ఎదుగుదలలో సహకరిస్తారు. రెండుపదాలనూ ఒకే అర్థం వచ్చేలా విరివిగా వాడుతుంటారు.  కన్ఫ్యూజన్ నుంచి స్పష్టత తెచ్చుకునే ప్రయత్నం చేస్తే మనం ఏ విధానాలలో ఆలోచిస్తున్నాము, మనకు అవసరమైన పద్ధతి ఏమిటి అనే క్లారిటీ వస్తుంది. ఎంట్రప్రెన్యూర్షిప్ కి, బిజినెస్ కి మధ్య అనేక పోలికలు ఉన్నాయి, అలాగే రెంటి మధ్య సన్నని గీత గీస్తూ కొన్ని భేదాలు  ఉన్నాయి.  వాటిని చర్చిద్దాం రండి.    

ఉద్దేశ్యం లో భేదాలు : ఎక్కువ మంది  బిజినెస్ పర్సన్స్ (బిజినెస్ మాన్, బిజినెస్ ఉమన్ స్థానంలో వాడుకలోకి వచ్చిన పదం) తమ లాభాల కోసం, జీవనోపాధి కోసం, “తమకి తామే బాస్” ఉద్దేశ్యంతో, ఆర్ధిక లక్ష్యాలు సాధించటం కోసం వ్యాపారం చేస్తారు. ఎంట్ర ప్రెన్యూర్స్ ప్రపంచంలో ఒక మంచి మార్పు జరగాలి అనే దిశలో ఆలోచిస్తారు, అందుకోసం తామేం చేయగలం అనే విధానంలో పనులు చేస్తారు. ఆర్ధిక అంశాలు, లాభాల కంటే మనుషులకు, ప్రపంచానికి ఉపయోగపడే పని చేయాలనే తపన ఎక్కువ కనిపిస్తుంది.  

ఐడియా విషయంలో: బిజినెస్ చేసేవారు ప్రోడక్ట్, సర్వీస్ ఐడియా తమ సొంతం కాకపోయినా కావలసిన లాభాల కోసం వ్యాపారం మొదలు పెడతారు, ఫ్రాంచైజీ తీసుకుంటారు, వనరులు సమకూర్చుకుని ఇతర విజయవంతమైన పద్దతులనూ పాటిస్తారు.  ఎంట్ర ప్రెన్యూర్స్ తమ సొంత ఐడియాతో ఒక ప్రోడక్ట్, సర్వీస్ సృష్టిస్తారు, దానిపై తమ సమయం, శక్తి, డబ్బు వెచ్చిస్తారు. తమ సొంతం కాని ఐడియా నుంచి బిజినెస్ మొదలు పెట్టరు. అందుకే ఎంట్ర ప్రెన్యూర్స్ అంకుర సంస్థ (స్టార్ట్ –అప్)లతో మొదలు పెడతారు.         

రిస్క్ తీసుకునే విధానంలో: బిజినెస్ చేసేవారు అన్ని లెక్కలతో పక్కాగా రిస్క్ తీసుకుంటే వచ్చే లాభనష్టాలు బేరీజు వ్యాపారం చేస్తారు. డబ్బు కోల్పోవటం, అప్పులలోకి వెళ్ళటం అనే పరిస్థితులను దృష్టిలో ఉంచుకుని పనులు చేస్తారు.    ఎంట్ర ప్రెన్యూర్స్ లెక్కల గురించి ఆలోచించకుండా చేయాలనే పనిలోకి దూకేస్తారు, క్రేజీగా రిస్క్ తీసుకుంటారు. తమ సొంత ఆలోచనను పరీక్షించుకుని, ప్రపంచానికి మంచి చేయాలనే ఉద్దేశ్యంతో తమ సమయం, శక్తి, ఖర్చు గురించి ఆలోచన లేకుండా పని చేస్తారు.

ఎంప్లాయిస్ ను, వినియోగదారులను చూసే విధానం:    బిజినెస్ పర్సన్  తమ వద్ద పనిచేసే వారిని ఒక మేనేజర్ చూస్తారు. వారు తన వ్యాపారం ఎదగడానికి ఉపయోగాపడాలని ఆశిస్తాడు. ఎంట్ర ప్రెన్యూర్ ఒక స్నేహితునిలా, నాయకుడిలా పనివెనుక ఉద్దేశ్యం చెప్తూ ప్రోత్సాహిస్తారు. వారిని ఆ మంచి కార్యంలోకి ఆహ్వానించి భాగస్వామ్యుల్ని చేస్తారు. బిజినెస్ చేసేవారు తమ కస్టమర్లను వస్తువులు, సేవలను తీసుకుని సేల్స్, డబ్బు అందించే నిధిలా చూస్తారు.   ఎంట్ర ప్రెన్యూర్స్ తమ వినియోగదారులను విధులు, బాధ్యతలు నిర్వహించడానికి అవకాశం ఇచ్చిన వారిగా చూస్తారు.

బిజినెస్ పర్సన్ , ఎంట్ర ప్రెన్యూర్ కి తేడాను ఈ టేబుల్ లో స్పష్టంగా గమనించండి :

బిజినెస్ పర్సన్స్	ఎంట్ర ప్రెన్యూర్స్
v సాంప్రదాయ విధానం. నిర్ణయించిన మార్గంలో నడుస్తారు.	ü నూతన ఆవిష్కరణలు, వేగవంతమైన విధానాలు  పాటిస్తూ వారే మార్గాన్ని నిర్ణయిస్తారు.
v ఆల్రెడీ ఉన్న ఐడియా నుంచి బిజినెస్ మొదలుపెట్టి, దాని అడ్మినిస్ట్రేషన్ మీద  దృష్టి పెడతారు	ü సొంత కొత్త ఐడియా నుంచి బిజినెస్ మొదలు పెడతారు, ఆవిష్కరనలపై దృష్టి పెడతారు
v లెక్కలు వేసుకునే లక్షణం ఎక్కువ. అనేక మంది బిజినెస్ ప్రత్యర్థులు ఉండొచ్చు	ü సహజమైన ఇష్టంతో పనిచేస్తారు. తమకు తామే పోటీదారులు, తమను మెరుగుపరుచుకునే పనులు చేస్తారు
v కాంపిటీషన్ మీద దృష్టి పెడతారు	ü కోఆపరేషన్  తో కలిసి పని చేయాలనుకుంటారు
v వ్యక్తిగత జీవితానికి, కుటుంబానికి సమయం తక్కువ	ü వ్యక్తిగత జీవితానికి, కుటుంబానికి, పనికి  సమయం కేటాయిస్తారు
v ఆలోచనలలో అబద్రతా భావం, భయం తో ఉండొచ్చు	ü కుతూహలం, స్వేచ్చ తో ఉంటారు
v లాభాల దిశలో ఆలోచిస్తారు	ü చేసే పనులు, మనుషులు ఎలాంటి ఉద్దేశ్యంతో చేస్తున్నాము అనే విలువ గురించి ఆలోచిస్తారు
v మార్కెట్ ప్లేయర్ గా ఉంటారు.  వ్యాపారం ఉత్పాదకత పెరగడానికి మానవ వనరులను నియమించుకుంటారు	ü మార్కెట్ లీడర్ గా ఉంటారు.  మనుషులను ఉత్పాదకంగా చేయడానికి నియమించుకుంటారు

ఈ వ్యత్యాసాలను గమనిస్తే ఎంట్ర ప్రెన్యూర్ షిప్ అనేది అంత ఈజీ ఫీట్ ఏం కాదు అనేది స్పష్టంగా అర్థమౌతుంది. ఎంట్ర ప్రెన్యూర్ కూడా ఒక బిజినెస్ పర్సనే అయితే ఎక్కువ ఇంపాక్ట్ ఉండే ఆలోచనలు, పర్సనల్ లైఫ్ బాలన్స్, పర్పస్ -విలువల తో నడిచే వారిగా గమనించవచ్చు. ఒక సాధారణ బిజినెస్ పర్సన్స్ లా కాకుండా ప్రపంచం గురించి, సమాజం గురించి ఉన్నత భావాలతో కార్యక్రమాలు, ప్రాజెక్ట్ లు చేసేవారే ఎంట్ర ప్రెన్యూర్స్ గా ఎదుగుతారు, ఎంచుకున్న రంగంలో లీడర్స్ గా మారతారు, ప్రపంచం పై తమదైన ముద్ర వేస్తారు. 

 ***  ***  ***  సైకాలజీ టుడే, డిసెంబర్  2017 లో ప్రచురించబడిన  ఆర్టికల్  ***  ***  *** 

ఎంట్ర ప్రెన్యూర్ జీవితంలో సింగల్ గా వెళ్ళాలా? బృందంతో నడవాలా? Solo or Team Work? How to be effective in Entrepreneurship?

ఎంట్రప్రెన్యూర్షిప్ ప్రపంచంలో అడుగుపెట్టే చాలామంది సహజంగా ఓ చక్కని ఉదయం తెల్లవారగానే నిద్రలేచి అద్భుతం జరిగినట్లుగా తన ఐడియాతో ఒంటరిగానే ప్రపంచాన్నే మార్చేద్దాం అనుకుంటారు. అయితే ఒక సత్యం ఏమిటంటే ఈ ప్రపంచంలో ఎవ్వరూ ఏ ఒక్క గొప్ప వ్యాపారాన్ని ఒంటరిగా సాధించలేదు వారి మార్గంలో వేర్వేరు వ్యక్తుల, సంస్థల ప్రయాణం ఖచ్చితంగా ఉంటుంది. మరి వ్యాపార ఆలోచన వచ్చిన కొత్తలో పెద్దగా ప్రోత్సహించని మన సమాజంలో ఒంటరిగా వెళ్ళాలా? బృందంతో భాగస్వామ్యం చేయాలా? ఈ అంశాలను శాస్త్రీయంగా చర్చించడానికే ఈ ప్రత్యేక వ్యాసం.

***    ***    ***    ***    ***    ***

1.   బృందంగా వెళితే డబుల్ సక్సెస్:

సినిమా డైరెక్టర్, అథ్లెట్, పొలిటీషియన్ ....సక్సెస్ ఐన వారి ఇంటర్వ్యూస్ లో “మీ సక్సెస్ కి కారణం ఎవరు?” అనే ప్రశ్నకు సమాధానం గమనించండి. వారందరి సమాధానాలలో స్పష్టంగా తెలిసే ఒక్క  అంశం -  కలిసి పనిచేయడం. ఎంట్రప్రెన్యూర్షిప్ లోనూ అంతే. అవును. మీ ఎంట్రప్రెన్యూర్ ప్రయాణం మీరే చేయండి, కానీ ఒంటరిగా కాదు అని అర్థం. ఎంట్రప్రెన్యూర్షిప్ అనగానే అదేదో ఒంటరిగా చేసే వీరోచిత పోరాటం, సాహసం అనుకుంటారు. ఒక చిన్న ఐడియా తో ప్రపంచం ముందు భిన్నమైన దారి ఎంచుకున్న గర్వంతో తలెత్తుకు తిరగాలన్న ఆలోచనతో ఉంటారు. కానీ రియల్ లైఫ్ లో సీన్ కొంచెం వేరు. ఎంట్ర ప్రెన్యూర్ లైఫ్ లో రిస్క్ తీసుకోడానికి రెడీ అవ్వాలి, అందరికంటే భిన్న సవాళ్లు ఎదుర్కోవాలి కానీ ఒంటరిగా కాదు. ప్రయాణం మీదే, కానీ ఒంటరిగా చేయరని గమనించాలి.   

ఒక ఎంట్రప్రెన్యూర్ కి తాను ఆధారపడగల, నమ్మకమైన, వాస్తవాన్ని, చేదునిజాన్ని స్పష్టంగా చెప్పగల నెట్ వర్క్ ఉండటం చాలా కీలకం. అది పెద్ద బృందం కాకపోవచ్చు మీకు బాగా నమ్మకంగా, రోజు వారీ సంప్రదించగల కొద్ది మంది అయినా పరాలేదు. మీ శక్తి సామర్ధ్యాలను అర్థం చేసుకుని, మీ బిజినెస్ పరిస్థితులు ఆలోచనా రీతులు దృష్టిలో ఉంచుకుని వాస్తవ రూపంలో మీ నిర్ణయాలు ఉన్నతంగా తీసుకునేలా సహాయపడతారు.  

యాపిల్, ఐ ఫోన్ సృష్టి కర్త స్టీవ్ జాబ్స్ చెప్పినట్లు సృజనాత్మకత అనేది మీ బృందంతో అనుకోకుండా జరిగే మీటింగ్స్ లోనూ, చిన్న సంభాషణలలోనూ రావొచ్చు. అందుకే ఎంట్ర ప్రెన్యూర్స్ కమ్యునిటీస్ ఉండే కాలిఫోర్నియా లోని సిలికాన్ వాలీలో, లండన్ లోని బాక్స్ పార్క్ ప్రాంతాలే కాకుండా మన హైదరాబాద్ (టీ హబ్), విశాఖపట్నం నగరాలలో కూడా ఇతర స్టార్ట్అప్ (అంకురసంస్థ)లతో, ఎంట్రప్రెన్యూర్స్ తో ఆలోచనలు పంచుకుంటున్నారు. హైదరాబాద్ లోని కోలాబ్ హౌస్ (http://collab.house/), టీ-హబ్  (https://www.t-hub.co/), హెడ్ స్టార్ట్ (http://headstart.in/) వంటి సంస్థలు, ఎంట్ర ప్రెన్యూర్స్ కోసం అనేక చర్చలు, మీటింగ్స్ నిర్వహిస్తున్నాయి. నేను పల్లెటూరి నుండి వచ్చాను, నాది తెలుగు మీడియం, నాకు ఐడియా ఉంది కానీ అందరిముందు చెప్పను వంటి ఆలోచనల నుంచి బయటపడి ప్రశాంతంగా మీ ఆలోచనలు ఆసక్తి గల మనుషులతో పంచుకోవచ్చు. ఏమో ...మీ స్టార్ట్- అప్ కి మంచి పార్టనర్ ఈ మీటింగ్స్ లో కూడా దొరకొచ్చు.

2.   నమ్మకమే కీలకం:

ఎంట్రప్రెన్యూర్ తన బృందాన్ని తయారుచేసుకునే సమయంలో నమ్మకం కీలక పాత్ర వహిస్తుంది. మీ బలాలు, బలహీనతలు, వెంచర్ పై వాటి ప్రభావం, మీ కాబోయే బృంద సభ్యులకు ఉన్న అనుభవం, నైపుణ్యాలు వంటి అంశాలపై అవగాహనతో వెంచర్ కి ప్రయోజనాత్మకంగా మలుచుకోవచ్చు? బిజినెస్ కి ఏ నైపుణ్యాలు, ఎలాంటి నిర్వహణా రీతులు మంచిది అనే అంశాలు అర్థం చేసుకుంటూ చేదోడువాదోడుగా ఉండే నమ్మకమైన  బృంద సభ్యులను ఏర్పరుచుకోగాలగాలి. స్టార్ట్-అప్ దశలో మీతో బాగా కలిసిపోయే బృందం (ఉదా: క్లాసు మేట్స్, ప్రాజెక్ట్ వర్క్ కొలీగ్స్) ఉంటే వారితో కలిసి ప్రయాణం చేయటమే మంచిది కొత్త బృందాన్ని తయారు చేయడానికి సమయం పట్టొచ్చు. అందుకే మీ ఫోన్ లో కాంటాక్ట్ లిస్టు లో ఉన్న వారిని కొత్త అర్థవంతమైన దిశలో ప్రయాణం చేయడానికి ఒక మాట అడిగిచూడండి.

3.   బృంద సభ్యులు అనేక రకాలు

మీ బిజినెస్/ ప్రాజెక్ట్ లో  సాధారణంగా మీకు మూడు రకాల బృంద సభ్యులు ఉంటారు.

1. ఫౌండర్స్ / బిజినెస్ పార్టనర్స్: నమ్మకమైన , దీర్ఘ కాలం ఉండగల వ్యక్తులతో కలిసే ప్రయత్నం చేయాలి. అందుకు వాళ్ళ గత చరిత్ర మీకు ఇస్తున సలహాలు సూచనలు గమనించాలి. కొందరు నాతో ఈ వ్యాపారం లో కలిస్తే మీకు మరో వ్యాపారం అవసరమే లేదు అంత డబ్బు సంపాదించవచ్చు అని మీరిప్పుడు చేస్తున్న  వ్యాపారం  వదిలివేయమని చెప్పే పరిస్థితి ఉంటుంది. అయితే మీ అనుభవం, వారి మాటల లోని అసలు అర్థం, మీ బలాలు, బలహీనతలు దృష్టిలో ఉంచుకుని ఎంత సమయాన్ని ఏ అంశాలకు కేతాయిన్చాలను కుంటున్నారో స్పష్టంగా మాట్లాడుకోవడం మంచిది. మీరు  ఎంట్ర ప్రెన్యూర్ అయితే మీ ఆలోచనా తీరులో అనేక బిజినెస్ లలో ఉండాలని అనుకుంటే ఆ అంశాలు స్పష్టంగా చెప్పాలి. వారికి, మీకు ఎలాంటి సంబంధాలు ఉండాలో స్పష్టంగా నిర్ణయించుకుంటే భవిష్యత్తులో లీగల్ ప్రాసెస్, ఖర్చులు తగ్గించుకోవచ్చు. 
2. సలహాదారులు (advisros), పార్ట్ టైం పనిచేసే వారు, కాంట్రాక్టు కన్సల్టెంట్స్:

ఏ స్టార్ట్ అప్ అయినా ఈ కోవలో ఐదుగురు అవసరం అవుతుంటారు.

·         మార్కెట్ నిపుణుడు - డొమైన్ నైపుణ్యం ఉన్నవారు, మీరు ఆశించిన రంగంలో మంచి అనుభవం , సక్సెస్ ఐన వ్యక్తులు

·         సంధాన కర్త - మిమ్మల్ని ఇండస్ట్రీ కి ఇతర స్టేక్ హోల్డర్స్ కి పరిచయంచేసే ఇష్టత చూపే వ్యక్తులు

·         ఇండస్ట్రీ సెలబ్రిటీ – తన పేరు ఉపయోగించే అవకాశం ఇస్తూ ఆ రంగంలో అనుభవం ఉన్న వ్యక్తి , వ్యక్తిగతంగా మీ బిజినెస్ కార్యక్రమాలలో పాలుపంచుకోకపోవచ్చు

·         టెక్నికల్ కోచ్ – మీ వ్యక్తిగత పరిస్థితులను ఆలోచనా రీతులను మీ ఇతర జీవిత పార్శ్వాలను దృష్టిలో ఉంచుకుని మీ జీవన విలువ ను ఉన్నతంగా నడిపేందుకు సహాయపడే పర్సనల్ కోచ్

·         వ్యక్తిగత కోచ్ – మీ వ్యక్తిగత పరిస్థితులను ఆలోచనా రీతులను మీ ఇతర జీవిత పార్శ్వాలను దృష్టిలో ఉంచుకుని మీ జీవన విలువ ను ఉన్నతంగా నడిపేందుకు సహాయపడే పర్సనల్ కోచ్

3. ఫుల్ టైం స్టాఫ్: సాధారణంగా ఫుల్ టైం పనివాళ్ళను (ఎంప్లాయిస్) ఎప్పుడు తీసుకోవాలనేది పని అవసరం మరియు బడ్జెట్ మీద ఆధారపడి ఉంటుంది. బూట్ స్ట్రాప్పింగ్, వెంచర్ కాపిటల్, బ్యాంకు లోన్ వంటి మార్గాల ద్వారా సరిపోను పెట్టు బడి ఉన్నప్పుడు ఫుల్ టైం ఎంప్లాయిస్ ని నియమించుకుని బిజినెస్ స్పీడ్ పెంచుకోవచ్చు.

4.     బృందం ఉంటే వేగం ఉన్నట్లే :

ఎంట్రప్రెన్యూర్ తనకు లేని నైపుణ్యం, అనుభవం ఉన మరో ఎంట్రప్రెన్యూర్ ని కో-ఫౌండర్ లేదా బృంద సభ్యులను చేసుకోవటం ద్వారా వ్యాపారానికి వేగం వస్తుంది. అలా వీలు కాని పక్షంలో మీరే అన్ని అంశాలలోను నిష్ణాతులు కావాలి అందుకు సమయం పడుతుంది. అలాగే మీరే అన్ని పనులు చేయాలంటే మీ ఎదుగుదలకు ఒక పరిమితి మీరే విధించుకున్నట్లే. మీ ఐడియాని వివరంగా చెప్పి నమ్మకమైన వారిని బృందంలో చేర్చుకోవడం ద్వారా పని సమయం, నైపుణ్యాలు మాత్రమే కాకుండా మొదటిదశలో అవసరమైన కాపిటల్ కూడా కలిసివస్తుంది.

చిన్నగా ఒక స్టార్ట్ అప్ నాకు , నా కుటుంబానికే అనుకుంటే ఒంటరిగా చేసుకోవచ్చు. అల కాకుండా మీ వ్యాపారాన్ని ఎక్కువమంది కస్టమర్స్ కి చేరాలనుకుంటే బృందంతో పని చేయటం అనేక రకాలుగా ఉపయోగం. అయితే ఎందుకు ఎవరితో ఎలా కలిసి పనిచేస్తున్నామో మనకు , మనతో కలిసే సభ్యులకు స్పష్టత ఉండాలి. అలాంటి స్పష్టతతో మీ ఎంట్రప్రెన్యూర్ ప్రయాణాన్ని మొదలెట్టండి, మీ సక్సెస్ స్టొరీ ఈ శీర్షిక లో ప్రస్తావించాలని సైకాలజీ టుడే ఆకాక్షిస్తుంది.

  ***  ***  ***  సైకాలజీ టుడే, నవంబర్  2017 లో ప్రచురించబడిన  ఆర్టికల్  ***  ***  ***